Nuk jemi në liqenet e Zvicrës, por të Belshit! Rama: Nga një vend rrënojash, në model ekoturizmi

Kryeministri Edi Rama, pas inspektimit të qendrës së re shëndetësore në Belsh, është ndalur në një nga liqenet ku po transformohet në një pikë turistike që do të sjellë zhvillim për zonën. Rama thotë se kjo zonë po merr formë duke u kthyer nga një ‘ferr’ rrënojash e plehrash në një model të ri ekoturizmi.

Vitet e fundit Belshi po kthehet gjithnjë e më shumë në një zonë turistike, falë investimeve dhe bukurive të saj natyrore që njihet për numrin e madh të liqeneve. Kryeministri Edi Rama, pas inspektimit të qendrës së re shëndetësore në Belsh, është ndalur në një nga liqenet ku po transformohet në një pikë turistike që do të sjellë zhvillim për zonën. Duke e krahasuar bukuritë e zonës me liqenet e Zvicrës apo Norvegjisë, Rama thotë se kjo zonë po merr formë duke u kthyer nga një ‘ferr’ rrënojash e plehrash në një model të ri ekoturizmi.

“Përshëndetje nuk jem në liqenet e mrekullueshme të Europës Qendrore apo veriore po jemi në Blesh. Në një nga shumë liqenet e zonës ku vazhdojmë t’i japim shtysë një zhvillimi të qëndrueshëm, një zhvillimi të bazuar te turizmi dhe ekoturizmi me projektet inovatore të Fondit Shqiptar të Zhvillimit! Së shpejti jeni të mirëseardhur. Aty ku me financimin e Fondit Shqiptar të Zhvillimit po merr formë një tjetër model i ri i ekoturizmit, pranë një prej liqeneve të magjishëm të zonës, e cila nga një ferr rrënojash e plehrash, prej ku të gjithë vetëm iknin, po kthehet në një prej destinacioneve më tërheqëse turistike të Shqipërisë rurale”, tha Rama.

Ky investime po bëhet nga Fondi Shqiptar i Zhvillimit dhe ka për qëllimi zhvillimin e turizmit në zonë që do të përkthehet në rritje të mirëqenies ekonomike për banorët dhe shfrytëzimin e potencialit turistik të Belshit.